Australien Blog

 

Nach dem ich mich lang nueme gmeldet hans chriibi mal wider. Bin da in Perth acho und mit em Luca endli mal wider es bekannts Face z Gsicht becho. Han da aber leider ned so Ziit zum gross schribe drum wirds wohl eher en churze Blogitraag. Wemmer nachher am Reise sind, weissi au noni obi Ziit finde zum da oeppis inezschriibe, aber bis ich zrugg bin am 26. Januar gahts ja nueme so lang.

Han da no allne wele sege, dass mis Natel nueme wuerki funktionniert und ich ke SMS me chan lese. Wenn ihr mir in letschter Ziit also mal eis gschribe ha soetted, isch das de Grund warum nuet zrugg cho isch... sorry.

Suscht gits vo da eich ned so vill z brichte, usser dass Perth hald scho chli chliner isch als Sydney und mir ois riesig ufs Reise freued :D.

Falls ich mich da nueme melde, gseht mer sich denn i de Schwiiz wider! Freu mi scho endli wieder zrugg z cho und eu alli z gse!

Geschter simmer mit em Zug uf Katoomba gfahre, um dete d Bluemountains z gse. Die sind da in Australie recht bekannt und en Nationalpark sowie au es Weltnaturerbe (Wie fascht jedes Stuck Natur in OZ). D Bluemountains heissed so, wel si vo wiitem e chli blau schimmered. Das chunnt irgendwie vo some Eukalyptus Dampf (oder so). Uf jede Fall stimmt das mit de Farb:

 

 

Dete acho simmer denn mal Richtig Scenic World. Dete heds zwei Luftseilbahne und de steilschti Zug vo de Welt. Wemmer i dem fahrt glaubt mer denn au zimli schnell, dasses de steilschti isch. Es isch praktisch senkrecht abegange und für mich immer nochli es Rätsel, dass de Zug uf de Schiene blibe isch:

 

 

Zum Zmittag heds denn wider emal schwizerisch ge. Es Fondue und als Sidedish e Rösti, wie bim letschte mal. V.a. bi de Priise ischs Esse us schwizer Level gsi. E $14.50 Rösti gseht dete e so us:

 

 

Ich hoffe ihr chönd d Rösti finde uf em Bild... so gross isch si ja nöd.

 

Guet ischs Esse uf jede Fall gsi und e chli agschiwpst vom Wiiswii hemmer ois denn nach em ville Bähnli fahre au uf e chlini Wandertour gmacht. Isch nor echt schön gsi dete i de chline Wegli em Kliff na z laufe. Allerdings hemmer au chli Angst gha wel i de Bluemountains so zimli vill giftgi Schlange und Spinne dehei sind. Xe hemmer die aber nöd, stattdesse nur e überdimensional grossi Echse oder so öppis ähnlichs. Zum Schluss hemer denn no eini vo de drü Schwöschtere ( Three Sisters) bestige. Die sind s Ushängeschild vo de Bluemountains, allerdings ned so speziell:

 

 

Alles in allem ischs en lange Tag gsi (5:30 ufsta und am 20:30 wider dehei) aber mit dem Wetter hed sichs allemal glohnt!

 

 

Ich hoffe ihr hend all schöni Wiehnachte gha und vill Guetzli gesse! Die gits nemli da ned und ohni Wiehnachtsguetzli gaht ja wohl gar nüt. Mir hend da eifach mit es paar Kollege gfiired bime easy Esse und chli z tinke :D. Es het au gad so guet en normale Tag chönne si, es het ken Underschiid gmacht...

 

Aber gnueg vo Wiehnachte, die sind ja jetzt verbi und s neue Jahr staht vor de Tür. Letscht Samschtig simmer anes Horserace gange. Die findet in Sydney uf em Horsetrack in Randwick statt, das isch fascht vor minere Huustüüre (wenigschtens öppis, alles andere isch zimli wiit weg). Ich han ja scho vor eme Ziitli chli über Pferderenne gschribe, wo de Melbourne Cup gsi isch. Uf jede Fall isch da in Australie nach de Pferdegripp alles wider voll am laufe und d Aussies chönd ihrere Lieblingsbeschäfrigung: Gamble, nahga... OK villich ischs di zweiti Lieblingsbeschäftigung nach em Suufe. Au ich han denkt ich versuech mal wider mis Glück, nachdem ich am Melbourde Cup zimli denebed tipped han... s dumme Pferd 6 gaht mer jetz no ufd Nerve. Det acho hemmer denn au zimli gli mal gwettet. $10 ufd Favorite i de richtige Reihefolg... mer chan sich ja vorstelle wies usechunnt. En Ussesiiter lauft uf Rang 2 und versaut mer d Wett. Uf Favorite setze hed mir mal wider s Geld kostet. Scho schier hetti s Wette ufge, aber jede wo chli wetted, weiss wies isch :D. Mer will eifach nöd mit eme Verlust ufhöre und denn heds mi hald nomal packt. Neui Strategie, neus Glück. Ich han mer en krasse Ussesiiter usgsuecht und $5 uf ihn gsetzt und unglaublich, aber wahr, sogar gunne. Woner überd Ziillinie isch sind ich und min Kolleg so zimli als einzige uf de Tribüne ufgsprunge und hend gjubled. Alli andere werded wohl denkt ha: "Welle Idiot hed uf das Pferd gsetzt." Mit ere Quote vo 7.2 sind us mine $5 plötzli $36 worde... Nöd en huufe Geld, aber ich bin ez mit all mine Pferdewette im Plus und muess echt gesta, dass so Pferderenne schono lustig/spannend sind, wenn mer au nur en chliine Betrag druf gwettet hed. Womer denn aber nachher nomal es Renne ohni Wette glueged hend, hani aber au zimli gli müesse feststelle, dass es ohni Wette brutal langwilig isch :P. Als Fazit chani wohl zihe dass Pferdewette eifach nur Glück isch.

 

 

Da hemmer mis Ussesiiterpferd: Kick N' Chase

 

 

Und das isch min Gwünn: $36 :D.

 

Hüt isch denn s negschte sportliche Grossereignis agstande. S weltberüehmte (villich au nur australieberüehmte) Sydney - Hobart. Das isch es traditionells Yachtrenne wo jedes Jahr am 26. Dezember (Boxing Day) startet. Über Hundert Yachte tretted da a und segled über mehreri Täg nach Hobart, das isch de Hauptort vo Tasmanie. De Start isch im Hafe. Jede Sydneysider wo es Boot hed reiht sich im Hafe uf zum d Yachte z verabschiede und jede wo keis hed begit sich uf de Southhead, um vo dete de Start z verfolge. Das hend denn au mir gmacht. Mer hed ois agrate frühe z ga, was sich au glohnt hed. Meh als zwei Stund z früe simmer emal lang ned di erschte gsi. Alli hend sich scho igrichtet gha mit Picknick eme Camping Stüeli und Feldstecher. Um di 10 Fersehsender Helikopter sind über em Harbour umegfole und hend das ganze ufgno. Irgend es chliises Flugzüüg hed Werbig in Himmelgschribe und Glaceständ sind all 100 Meter ufgstellt gsi.

De Start isch denn so schnell passiert, dass mer en gar ned wargno hend. Ersch nach eme Ziitli hemmer denn gmerkt, dass s ganze scho lauft. Das seit au scho vill drüber us, wie interessant das ganze gsi isch... Naja aber es verwundered mi nöd, dass das so villi Australier interessiert, wemmer bedenkt, dass die au Cricket lueged/spiled. Si sind hald scho es speziels Volk.

De zweiti Part vom Tag isch denn meh min Fall gsi: Sunnebade (oder wie d Australier seged Sunnebrötle) am Bondi Beach. Hüt isch s zweite Mal schön Wetter gsi innerhalb vo drü Täg. Da das so ussergwöhnlich isch heds da e Erwähnig verdient.

 

 

Start im Hafe vo Sydney

 

 

Nachher hends um de Southhead umetrült und sind Richtig Hobart gsegled.

 

 

Menscheuflauf

 

PS: Tuet mer Leid wenni ned so vill Schriibfehler han chönne produziere wie de Luca, aber das isch eifach ned mögli :D.

Sooo au ich meld mich wider emal und ich han churz vor Wiehnachte gad es paar News.

 

Afange tueni mal mit em Sydney Tower. Mer hend usgnützt, dasses doch au wider emal en schöne Tag ge hed und sind drum uf de Tower gange, wo mer eich scho lang vorgha hend, aber nie hend chönne weg em Wetter. D Ussicht isch recht geil gsi und mer hed Sydney und de ganzi Harbour mal vo obe gse. De isch em Wetter entsprechend au eher wiis als blau gsi, weg de ville Segelböötli…

 

 

Als negschts bini letschte Mäntig go Skydive. De einzig Kommentar wo da passend isch, wäri wohl: Wooooooooooohoooooooooooooo! Us über 4km über em Bode us em Flugi gumpe isch eifach unbeschriiblich! Chani jedem empfehle.

 

 

Denn hemmer no Izugsparty bi de Coralie gfiired. Det debii gsi isch:

 

 

SamiSander

 

 

SamiCoralie

 

 

 

SamiChristoph

 

 

SamiElsa

 

Suscht gits no z Brichte, dassi e chli Gwicht losworde bin i zwei Schritt.

 

 

Erschte Haarschnitt vo de Coralie

 

 

Und denn ein Tag spööter: Zweite Haarschnitt… Isch zimli churz worde (3mm).

 

Für meh Fötteli müender hald rechts luege.

 

Zum Schluss wünschi allne

 

FROHI WIEHNACHTE UND EN GUETE RUTSCH!

 

 

So ez hanis au no gschafft mini Bilder vom Surftrip ufezlade. Villich chömed spööter mal no meh, weni die vo de andere no han.

 

Oisi Crew (vo links): Patrick, Bruno, Sander

 

Afänger chömed di gröschte und schwerschte (zum trege) Boards über

 

Trocheüebig im Sand. Wasseraction gits uf Fötteli leider ned, wel mer selber immer im Wasser gsi sind.

 

Sexy Wetsuit

 

 

Suscht chönder bi de neue Bilder no gse, wiemer am Alberto sini Sideburns rasiert hend. Die hetter für 2 Jahr gha. Er heds nur ungern gmacht aber ich für Charity gsi, wel in Australie isch im November de „Mo“vember wo sich d Lüüt lächerlichi Bärt wachse lönd und defür Geld sammled für en guete Zweck. Leider isch de Alberto scho wieder zrugg in Spanie L. S erscht mal verabschiede vome richtig guete Kolleg gsi…

 

Us...

wird...

 

 

 

Suscht chunnt bi ois au scho Wienachte und de Sami“Luigi“chlaus lueged ned nur i de Kanti id Klasse.

 

Hmm sucht chani no brichte, dass mer hüt go Paintball spile sind, was brutal vill Spass gmacht hed! Das isch in Rouse Hill gsi. Für Australier isch das es biz usserhalb vo Sydney. Übersetzt bedüütet das 2 Stund Bus fahre… Da isch hald alles chli grööser.

Wiiter bini das Week End in dritte Klub ufgstige. Aber wie ich im Rüümliblog gse han, bini ned de einzig wo chreftig dra isch :D.